कांग्रेसले पूर्णबहादुर खड्कालाई सोध्यो स्पष्टीकरण

काठमाडौं । नेपाली कांग्रेस ले निवर्तमान कार्यवाहक सभापति पूर्णबहादुर खड्का लाई ७ दिने स्पष्टीकरण सोधेको छ ।

बुधबार बसेको पार्टीको अनुशासन समितिको बैठकले पटक–पटक कार्यवाहक सभापतिको हैसियतमा विज्ञप्ति जारी गरेको विषयमा खड्कासँग स्पष्टीकरण माग्ने निर्णय गरेको हो । समितिका सचिव दिनेश थापामगरका अनुसार खड्कालाई सात दिनभित्र जवाफ दिन भनिएको छ ।

पार्टीका सभापति गगनकुमार थापा ले सबै नेता–कार्यकर्तालाई वडा–वडामा पुगेर सदस्यता अद्यावधिक गर्न निर्देशन दिएका थिए । सोही निर्देशनप्रति असहमति जनाउँदै खड्काले गत चैत ३० गते कार्यवाहक सभापतिको रूपमा विज्ञप्ति जारी गरेका थिए ।

उक्त घटनापछि पार्टीले खड्कालाई सचेत गराएको थियो । तर सचेत गराउँदा पनि उनले पुनः कार्यवाहक सभापतिकै हैसियतमा विज्ञप्ति जारी गरेपछि कांग्रेसले अनुशासन उल्लंघन भएको निष्कर्ष निकाल्दै कारबाही प्रक्रिया अघि बढाएको हो ।

यस घटनाले कांग्रेसभित्रको आन्तरिक विवाद फेरि सतहमा आएको छ भने आगामी दिनमा यसले पार्टीको आन्तरिक राजनीति थप तातेको संकेत देखिएको छ ।