सुर्खेतमा प्रदेश संवाद कार्यक्रम आयोजना हुँदै

सुर्खेत । वीरेन्द्रनगर जुनियर जेसीजको आयोजनामा संयुक्त क्षेत्र नं. २ का उम्मेदवारहरूसँग प्रदेश संवाद कार्यक्रम आयोजना हुने भएको छ।

आयोजकका अनुसार कार्यक्रम २०८२ साल फागुन ९  गते शनिबार दिउँसो १ बजेर ३० मिनेटमा सुर्खेतस्थित Ghantaghar Park (घण्टाघर पार्क) मा सञ्चालन हुनेछ। कार्यक्रममा उम्मेदवारहरूको प्रतिबद्धता र योजनाबारे सार्वजनिक अन्तरक्रिया गरिने जनाइएको छ।

कार्यक्रममार्फत उम्मेदवारहरूले आफ्ना भावी योजना, दृष्टिकोण तथा प्रतिबद्धता सार्वजनिक गर्नेछन् भने सहभागीले प्रत्यक्ष रूपमा जिज्ञासा राख्न पाउने व्यवस्था गरिएको छ। मतदातालाई जानकारीमूलक निर्णय लिन सहयोग पुर्‍याउने र लोकतान्त्रिक अभ्यास सुदृढ बनाउने उद्देश्यले कार्यक्रम आयोजना गर्न लागिएको आयोजकले जनाएको छ।

कार्यक्रममा विभिन्न संघ–संस्था, सञ्चारमाध्यम तथा स्थानीय सर्वसाधारणको सहभागिता रहने अपेक्षा गरिएको छ। आयोजकले सबैलाई उपस्थित भई संवाद कार्यक्रममा सहभागी हुन अनुरोध गरेको छ।