रास्वपाको आज सुर्खेतमा चुनावी सभा

राष्ट्रिय स्वतन्त्र पार्टी (रास्वपा) ले आज सुर्खेतमा चुनावी सभा आयोजना गर्दै वाचापत्र सार्वजनिक गर्ने भएको छ।

फागुन २१ गते हुने प्रतिनिधिसभा सदस्य निर्वाचनलाई लक्षित गर्दै पार्टीले सुर्खेतस्थित घण्टाघर चोकमा मध्यान्ह १२ बजे ‘परिवर्तन उद्घोष सभा’ आयोजना गर्न लागेको हो। सोही सभामार्फत पार्टीको आधिकारिक वाचापत्र सार्वजनिक गरिने जनाइएको छ।

सभालाई पार्टीका सभापति रवि लामिछाने र वरिष्ठ नेता बालेन शाह ले सम्बोधन गर्ने कार्यक्रम रहेको छ।

यसअघि रास्वपाले बुधबार धनगढीमा ‘परिवर्तन उद्घोष सभा’ सम्पन्न गरेको थियो। पार्टीले आसन्न निर्वाचनमा नयाँ राजनीतिक एजेन्डासहित मतदातासामु प्रस्तुत हुने जनाएको छ।