सुर्खेतमा गणित कार्यशाला तथा एसईई बुस्ट अप कार्यक्रम सम्पन्न

सुर्खेत — निजी तथा बोर्डिङ विद्यालयका शिक्षक तथा विद्यार्थीलाई लक्षित गर्दै सुर्खेतमा गणित विषय केन्द्रित “म्याथ वर्कसप एन्ड एसईई बुस्ट अप कार्यक्रम” सम्पन्न भएको छ।

कार्यक्रम  नेशनल प्राइभेट एन्ड बोर्डिङ स्कुल्स एसोसिएसन नेपालको आयोजनामा ६–७ फागुन २०८२ गते सञ्चालन गरिएको हो। उक्त कार्यक्रम  एलाइड पब्लिकेशनको सहजीकरणमा आयोजना गरिएको आयोजकले जनाएको छ।

गणित विषयको सिकाइलाई प्रभावकारी बनाउने, एसईई परीक्षाको तयारीलाई सुदृढ गर्ने तथा शिक्षण विधिमा सुधार ल्याउने उद्देश्यसहित कार्यशाला सञ्चालन गरिएको थियो। कार्यक्रममा सहभागी शिक्षकहरूलाई विषयवस्तुको गहिरो अध्ययन, अभ्यासमुखी शिक्षण पद्धति तथा परीक्षामुखी तयारीका रणनीतिबारे प्रशिक्षण दिइएको बताइएको छ।

कार्यक्रम  नेशनल प्याब्सन वीरेन्द्रनगर नगर समितिको व्यवस्थापनमा सम्पन्न भएको हो। कार्यशालामा सुर्खेतका विभिन्न निजी तथा बोर्डिङ विद्यालयका शिक्षकहरूको उल्लेखनीय सहभागिता रहेको थियो।

आयोजकका अनुसार यस्ता कार्यक्रमले विद्यार्थीको सिकाइ उपलब्धि अभिवृद्धि गर्न र एसईई परीक्षामा उत्कृष्ट नतिजा हासिल गर्न महत्वपूर्ण सहयोग पुग्ने विश्वास गरिएको छ।