बिजुली पोल गाड्ने क्रममा करेन्ट लागेर युवाको मृत्यु

कैलाली — धनगढी उपमहानगरपालिका–७ जेबी चोकमा आइतबार साँझ बिजुली पोल गाड्ने क्रममा करेन्ट लाग्दा एक युवाको मृत्यु भएको छ।
करेन्ट लागेर गम्भीर घाइते भएका गोदावरी नगरपालिका–९ निवासी १८ वर्षीय अमृत चौधरीको उपचारको क्रममा ज्यान गएको जिल्ला प्रहरी कार्यालय कैलालीले जनाएको छ । गम्भीर अवस्थामा रहेका चौधरीलाई उद्धार गरी तत्काल संजिवनी अस्पतालमा भर्ना गरिएको थियो। तर उपचारकै क्रममा चिकित्सकले उनलाई मृत घोषणा गरेका थिए।
घटनापछि प्रहरीले घटनास्थलको निरीक्षण गरी आवश्यक अनुसन्धान अघि बढाएको जनाएको छ।