बजेट ल्याउने मिति संशोधन गर्न निधिको प्रस्ताव

नेपाली कांग्रेसका सांसद विमलेन्द्र निधिले बजेट ल्याउने मिति संशोधन गर्न माग गरेका छन् । आज (बिहीबार)को प्रतिनिधिसभा बैठकमा उनले जेठ १५ गते बजेट ल्याउनुपर्ने संवैधानिक व्यवस्था संशोधन गर्न माग गरेका हुन् । उनले बजेटभन्दा गणतन्त्रको ओझ ठूलो भएको दाबी समेत गरे । “गणतन्त्र र बजेट दुइटा शब्दावलीको अन्तरनिहित अर्थ हेर्ने हो भने गणतन्त्रको वेटेज धेरै ठूलो हुन्छ । तुलना नै गर्न सकिँदैन,” उनले भने, “संविधानमै लेखिएकाले बाध्यता होला । संशोधन गरियोस् ।”

उनले संविधान संशोधन गर्ने दुई दलबीच सहमति नै भएको भन्दै बजेट ल्याउने मिति संशोधन गर्न माग गरेका हुन् ।