सुर्खेतमा लागुऔषध (ब्राउन सुगर) सहित २ जना पक्राउ

सुर्खेत प्रहरीले लागुऔषध सहित २ जना पक्राउ गरेको छ । वीरेन्द्रनगर नगरपालिका वडा नम्बर ६ स्थितसनिहल लाइनमा लागुऔषधकाे काराेबार भइरहेको सुचनाका आधारमा सुर्खेत प्रहरी र लागुऔषध नियन्त्रण शाखा कार्यालय सुर्खेतबाट खटिएको संयुक्त टोलिले पक्राउ गरेको हो ।
पक्राउ पर्नेमा बाँके कोहलपुर नगरपालिका- ११ निवासी २५ वर्षीय अनिल घर्ति मगर र बर्दिया वारबर्दिया नगरपालिका- ७ निवासी २७ वर्षीय दिलिप रावत रहेको जिल्ला प्रहरी कार्यालय सुर्खेतका प्रहरी नायव उपरिक्षक विरेन्द्र वीर विश्वकर्माले जानकारी दिनुभयो ।

उपरिक्षक विश्वकर्माका अनुसार उनीहरुको साथबाट एक ग्राम दुई सय साठी मिलिग्राम (लागुऔषध ब्राउन) सुगर बरामद गरिएको छ । साथै उनीहरुलाई नियन्त्रणमा लिई आवश्यक अनुसन्धान भईरहेको प्रहरीले जनाएको छ ।