कुटपिट मुद्दाका फरार एक अभियुक्त पक्राउ

सुर्खेत प्रहरीले कुटपिट मुद्दाका फरार एक अभियुक्तलाई पक्राउ गरेको छ । सुर्खेत जिल्ला अदालत सुर्खेतको फैसला पश्चात लागत नं ४०४० मा जरिवना फैसला भएको तर फरार रहेका बिशाल गुरुङलाई खोजतलास गर्ने क्रममा प्रहरीको टोलीले पक्राउ गरेको कर्णाली प्रदेश प्रहरी कार्यालय सुर्खेतले जानकारी दिएको हो ।

वीरेन्द्रनगर- १ बस्ने २९ वर्षीय गुरुङलाई ५ हजार जरिवाना तोकिएको कार्यालयले जनाएको छ । जिल्ला प्रहरी कार्यालय सुर्खेतबाट खटिएको प्रहरी टोलीले वीरेन्द्रनगर- १० मा लुकिछिपी बसेको अवस्थामा फेला पारिएको सुर्खेतका प्रवक्ता एवम प्रहरी नायव उपरीक्षक वीरेन्द्रवीर विश्वकर्माले जानकारी दिए ।

साथै उनलाई पक्राउ गरि सुर्खेत जिल्ला अदालतमा पठाइ आवश्यक अनुसन्धान भईरहेको विश्वकर्माले बताए ।