भेरी ज्ञानोदय क्याम्पसमा सहमतिमै नयाँ स्ववियु पदाधिकारी निर्वाचित

जाजरकोट । मध्यपश्चिम विश्वविद्यालयअन्तर्गत जाजरकोटको भेरी ज्ञानोदय बहुमुखी क्याम्पसमा सहमतिमै नयाँ स्वतन्त्र विद्यार्थी युनियन (स्ववियु) पदाधिकारी निर्वाचित भएका छन्।

निर्वाचन अधिकृत लोकबहादुर शाहीका अनुसार, सभापतिमा नेविसंघका प्रनिल चन्द, उपसभापतिमा अखिल क्रान्तिकारीका अजय शर्मा, सचिवमा अनेरास्ववियुका पुष्पराज वली सर्वसम्मत निर्वाचित भएका छन्। यस्तै, सहसचिवमा प्रजातान्त्रिक विद्यार्थी सङ्गठनका मिनकृष्ण शाह, सदस्यहरूमा अखिल समाजवादीका नवीन शाही र कमला महर चयन भएका छन्।

नवनिर्वाचित सभापति प्रनिल चन्दले क्याम्पसको व्यवस्थापन सुधार र गुणस्तरीय शिक्षा आफ्नो पहिलो प्राथमिकता हुने बताएका छन्। उपसभापति अजय शर्माले स्ववियु निर्वाचनलाई साझा सहमतिका आधारमा सम्पन्न गर्न सफल भएकोमा खुशी व्यक्त गर्दै विद्यार्थी हितका लागि काम गर्ने प्रतिबद्धता जनाएका छन्।