- चैत्र ११, २०८१
- No Comment
- 49
आइपीएल २०२५ : आज दिल्ली र लखनऊ आमनेसामने
इन्डियन प्रिमियर लिग (आईपीएल) २०२५ अन्तर्गत आज (सोमबार) दिल्ली क्यापिटल्स (डीसी) र लखनऊ सुपरजाइन्ट्स (एलएसजी) बीच भिडन्त हुँदैछ। खेल नेपाली समयअनुसार साँझ ७:४५ बजे विशाखापट्टनमको डा. वाईएस राजशेखर रेड्डी क्रिकेट स्टेडियममा हुनेछ।
यसअघि यी दुई टोलीबीच भएका पाँच खेलमध्ये लखनऊले तीन खेल जितेको छ भने दिल्लीले दुई पटक जित निकालेको छ। विशाखापट्टनममा भने दुवै टोली पहिलो पटक खेल्दैछन्।
विशाखापट्टनमको पिच ब्याटिङ फ्रेन्ड्ली मानिन्छ। यहाँ भएको १५ आईपीएल खेलमध्ये ८ पटक पहिले ब्याटिङ गर्ने टोली विजयी भएका छन् भने ७ पटक लक्ष्य पछ्याउने टोलीले जित निकालेको छ। उच्चतम टिम स्कोर २७२/७ रहेको छ, जुन कोलकाता नाइटराइडर्सले दिल्लीविरुद्ध बनाएको थियो।
दिल्ली बलियो ब्याटिङ र बलिङ लाइनअपसहित मैदानमा उत्रिनेछ। स्टार्क, मुकेश कुमार, नटराजन र मोहित शर्माले बलिङमा दबाब सिर्जना गर्न सक्छन् भने कुलदीप यादव र अक्षर पटेल स्पिन आक्रमण सम्हाल्नेछन्।
लखनऊ सुपरजाइन्ट्स – लखनऊको फिनिसिङ पक्ष बलियो देखिन्छ। निकोलस पूरन, डेविड मिलर, शाहबाज अहमद र अब्दुल समदले अन्तिम ओभरमा आक्रामक खेल देखाउन सक्छन्। तर, ओपनिङ कम्बिनेसनबारे स्पष्टता छैन।
दिल्ली क्यापिटल्स: अक्षर पटेल (कप्तान), जैक फ्रेजर-मैगर्क, फाफ डु प्लेसिस, अभिषेक पोरेल, केएल राहुल, ट्रिस्टन स्टब्स, आशुतोष शर्मा, मिचेल स्टार्क, कुलदीप यादव, मुकेश कुमार, टी नटराजन, मोहित शर्मा।
लखनऊ सुपरजाइन्ट्स: ऋषभ पन्त (कप्तान), अर्शिन कुलकर्णी, मिचेल मार्श, निकोलस पूरन, आयुष बडोनी, डेविड मिलर, अब्दुल समद, शार्दुल ठाकुर, राजवर्धन हंगरगेकर, रवि बिश्नोई, शमार जोसेफ, शाहबाज अहमद।
