सल्यानमा जिप दुर्घटना, १७ जना घाइते

सल्यान। सल्यानमा जिप दुर्घटना हुँदा १७ जना घाइते भएका छन । सल्यानको सिद्धकुमाख गाउँपालिका–३ गतियानास्थित तिमिलेबाट श्रीनगरतर्फ आउँदै गरेको भे १ ज १२१४ नम्बरको जिप साेमबार विहान दुर्घटना  भएकाे हाे ।

जिल्ला प्रहरी कार्यालय सल्यानका प्रहरी निरीक्षक भावुराम बस्नेतका अनुसार घाइते हुनेमा शारदा नगरपालिका–१ का २२ वर्षीय अनिल नेपाली, कुमाख गाउँपालिका–३ तिमिलेका ६४ वर्षीय धने परियार, २८ वर्षीय ढम्मर बुढाथोकी, ४७ वर्षीया रिता कुमारी बुढा, ३५ वर्षीय शेर बहादुर नेपाली, १८ वर्षीया सपना वली, ३२ वर्षीया गीता चन्द र उनकी १० वर्षीया छोरी इन्दिरा चन्द रहेका छन्।

त्यसैगरी, बनगाड कुपिण्डे नगरपालिका–५ की २१ वर्षीया भूमि राना, ६ वर्षीया एलिसा रावत, कुमाख गाउँपालिका–४ की ४१ वर्षीया हिरा शाही, ५० वर्षीय प्रविर रावत, ३० वर्षीय अर्जुन बस्नेत, कुमाख गाउँपालिका–२ की २६ वर्षीया प्रतिमा बुढा, शारदा नगरपालिका–१० का अनुपम बुढाथोकी, र कुमाख गाउँपालिका–२ की २६ वर्षीया ललिता बुढाथोकी रहेका छन्।

प्रहरीका अनुसार जिपमा जम्मा १८ जना सवार  रहेका थिए । भने शकुसल चालक प्रहरीकाे नियन्णमा रहेका छन ।

घाइतेहरूलाई उपचारका लागि श्रीनगरस्थित शारदा मेट्रो अस्पतालमा भर्ना गरिएको छ। प्रहरीले जिप ब्रेक फेल भएर सडकमा पल्टिएको प्रारम्भिक अनुमान गरेको छ। घटना सम्बन्धि थप अनुसन्धान भइरहेकाे प्रहरीले बताएकाे छ ।