शेरबहादुर देउवालाई बीपीको सिद्धान्त बेचेर खाएको ज्ञानेन्द्र शाहीको आरोप

राष्ट्रिय प्रजातन्त्र पार्टीका नेता ज्ञानेन्द्र शाहीले नेपाली कांग्रेसका सभापति शेरबहादुर देउवालाई बीपीको सिद्धान्त बेचेर खाएको आरोप लगाएका छन् ।

नेता शाहीले देउवालाई जवाफ दिँदै भने, “बीपीको सिद्धान्त मान्दै हुर्केको कांग्रेसको सभापति हुनुभएको हो, माननीय पूर्वप्रधानमन्त्री शेरबहादुर देउवाज्यू हजुरले बीपीको सिद्धान्त पनि बेचेर खानुभएछ । राजालाई राप्रपाको सभापति हुनुहोस् भन्नुभएछ । त्यसो भए हजुर ३ पटक प्रधानमन्त्री राप्रपाको सभापतिसँग सपथ खाँदै बन्नुभएको हो ।

त्यसपछि उनले थपे, जसले भुइँ छोड्छ, उसको पतन निश्चित हुन्छ, भन्ने नेपाली उखानको स्मरण गराउँदै देउवालाई चेतावनी दिएका छन्।

शाहीले अन्त्यमा देउवालाई प्रश्न गर्दै भने, “सभापतिज्यू, यदि तपाईंसँग राजाको बारेमा कांग्रेसको धारणा के छ, भनेर बुझ्न मन छ भने कांग्रेसमा चुनाव गराउन सक्नुहुन्छ, हिम्मत छ ?”