विद्युत् प्राधिकरणका प्रमुख कुलमान घिसिङलाई तीन दिनभित्र स्पष्टीकरण दिन सरकारको आदेश

नेपाल विद्युत् प्राधिकरणका कार्यकारी निर्देशक कुलमान घिसिङलाई स्पष्टीकरण सोध्ने निर्णय मन्त्रिपरिषद्ले गरेको छ। बुधबार साँझ बसेको मन्त्रिपरिषद् बैठकले घिसिङलाई तीन दिनभित्र स्पष्टीकरण दिन निर्देशन दिएको हो।

ऊर्जा, जलस्रोत तथा सिँचाइ मन्त्रालयमार्फत स्पष्टीकरण सोध्ने निर्णय भएको एक मन्त्रीले जानकारी दिए।

डेडिकेटेड र ट्रंकलाइन बक्यौता विवादलाई लिएर ऊर्जामन्त्री दीपक खड्का र प्राधिकरणका कार्यकारी निर्देशक घिसिङबीच मतभेद रहँदै आएको छ। यसअघि, ऊर्जामन्त्री खड्काले १३ फागुनमा २४ घण्टाभित्र जवाफ दिन भन्दै घिसिङलाई दुईबुँदे स्पष्टीकरण सोधेका थिए। घिसिङले १५ फागुनमा सोधिएको स्पष्टीकरण बुझाएका थिए।

सरकारको पछिल्लो निर्णयसँगै यो विवाद थप चर्किने देखिएको छ। अब घिसिङले आगामी तीन दिनभित्र सरकारलाई स्पष्टिकरण दिनुपर्नेछ।