चौकुने गाउँपालिकाको घाटगाँउ स्वास्थ्य चौकीमा निःशुल्क आयुर्बेद स्वास्थ्य शिबिर हुँदै

सुर्खेतको चौकुने गाउँपालिकाको घाटगाँउ स्वास्थ्य चौकीमा निःशुल्क आयुर्बेद स्वास्थ्य शिबिर हुने भएको छ । प्रदेश आयुर्वेद अस्पताल तथा अनुसन्धान केन्द्र सुर्खेत र चौकुने गाउँपालिकाको संयुक्त आयोजनामा यही फागुन २४ गते शनिबारका दिन विशेषज्ञ आयुर्वेद सेवा सहितको निःशुल्क आयुर्बेद स्वास्थ्य शिबिर आयोजना गरिने आयुर्वेद शाखाका लक्ष्मी घिमिरे ले जानकारी दिनु भएको छ ।

उहाँका अनुसार आजभोली नसर्ने रोगको प्रकोप बढिरहेको साथै नसर्ने रोगको कारणले अकाल मर्त्यु दर बढिरहेको सम्बन्धमा जीवन शैली ब्यबस्थापन र आयुर्वेदको माध्यमबाट यस्ता समस्याहरुको न्यूनीकरण गर्न सकिने हुनाले आयुर्वेद स्वास्थ्य सेवा प्रवाह गर्ने सुदृढ स्वास्थ्य सस्था समेत नभएको सन्दर्भमा नि:शुल्क आयुर्बेद स्वास्थ्य शिविर अत्यावश्यक भएकोले शिबिर आयोजना गरिएको हो ।

फागुन २४ गते शनिबारका दिन बिहान ९ बजेदेखि साझ ५ बजेसम्म सञ्चालन हुने निःशुल्क आयुर्बेद स्वास्थ्य शिबिरमा बिशेषज्ञ आयुर्वेद चिकित्सकद्वारा स्वास्थ्य परिक्षण, प्रयोगशाला परिक्षण, पुर्वकर्म लगायतका सेवा सहित आयुर्बेद स्वास्थ्य शिविर सञ्चालन हुने घिमिरेले बताउनु भएको छ ।

आयुर्वेद स्वास्थ्य शिबिरमा आयुर्वेद चिकित्सकद्वरा नि:शुल्क चेकजाँच र औषधी वितरण गरिने भएकाले चौकुने गाउँपालिका वडा न ९ र १० का सम्पूर्ण आमा बुवा दाजुभाइ तथा दिदीबहिनी हरुलाई मौकाको फाईदा उठाउन समेत आग्रह गरिएको छ