त्रिभुवन विमानस्थलमा साढे ३ किलो सुनसहित ४ जना पक्राउ

काठमाडौं – त्रिभुवन अन्तर्राष्ट्रिय विमानस्थलमा साढे ३ किलो सुनसहित तीन उज्बेक नागरिक पक्राउ परेका छन्। फ्लाइ दुबईमार्फत नेपाल आएका ती महिलाहरू मलद्वारमा लुकाएर सुन तस्करी गर्न खोजेको विमानस्थल सुरक्षा कार्यालयले जनाएको छ।

सुरक्षाकर्मीले शंकास्पद गतिविधि देखेपछि एक्सरे परीक्षण गर्दा सुन लुकाइएको पुष्टि भएको थियो। उनीहरूसँगै आएका एक पुरुष यात्रुबाट भने सुन बरामद नभए पनि उनीहरू एउटै समूहका भएको आशंका गरिएको छ। थप अनुसन्धान जारी रहेको प्रवक्ता लालबाबु सुवेदीले जानकारी दिएका छन् ।