बंगालको खाडीमा ५.१ म्याग्निच्युडको भूकम्प

पश्चिम बंगाल क्षेत्रमा मंगलबार बिहान भूकम्प गएको छ। भारतीय समयअनुसार बिहान ६:१० बजे गएको भूकम्पको केन्द्रबिन्दु बंगालको खाडीमा रहेको राष्ट्रिय भूकम्प विज्ञान केन्द्रले जनाएको छ।

५.१ म्याग्निच्युडको उक्त भूकम्प समुद्रको सतहबाट ९१ किलोमिटर गहिराइमा उत्पन्न भएको थियो। भूकम्पको धक्का पश्चिम बंगालको कोलकातासम्म महसुस गरिएको बीबीसीले जनाएको छ।

हालसम्म भूकम्पका कारण कुनै ठूलो क्षति भएको विवरण प्राप्त नभए पनि अधिकारीहरूले थप विवरण संकलन गरिरहेका छन्।