माैसमी पुर्वानुमान : आज यी प्रदेशमा वर्षा र हिमपातको सम्भावना

 पश्चिमी वायु र स्थानीय वायुको प्रभावका कारण आज कोसी, बागमती र गण्डकी प्रदेशका विभिन्न भागमा वर्षा र हिमपातको सम्भावना रहेको मौसम पूर्वानुमान महाशाखाले जनाएको छ।

सोमबार बिहान ६ बजे जारी बुलेटिनअनुसार, कोसी, बागमती र गण्डकी प्रदेशका पहाडी क्षेत्रमा केही स्थानमा मेघ गर्जन र चट्याङसहित हल्का वर्षा हुन सक्नेछ। त्यस्तै, यी प्रदेशका उच्च पहाडी तथा हिमाली क्षेत्रमा हल्का हिमपातको सम्भावना रहेको छ।

महाशाखाले वर्षा तथा हिमपातका कारण जनजीवन, स्वास्थ्य, सडक तथा हवाई यातायात प्रभावित हुन सक्ने भएकाले आवश्यक सतर्कता अपनाउन आग्रह गरेको छ।