गोदावरीका युवक खैरो हेरोइनसहित पक्राउ

कैलालीको गोदावरीमा २२ वर्षीय युवक धिरज बलायर खैरो हेरोइनसहित पक्राउ परेका छन्। बुधवार साँझ गोदावरी नगरपालिका-२ स्थित राष्ट्रिय वाणिज्य बैंक अत्तरिया नजिक प्रहरीको टोलीले उनीलाई पक्राउ गरेको हो।

इलाका प्रहरी कार्यालय मालाखेतीका अनुसार, सडकमा लागु औषधको कारोबार भइरहेको भन्ने सूचना प्राप्त भएपछि प्रहरी टोली खटिएको थियो। प्रहरी टोलीले बलायरको साथबाट २ सय मिलिग्राम खैरो हेरोइन बरामद गरि उनलाई पक्राउ गरेको छ।

लागु औषधको कारोबारमा संलग्न व्यक्तिहरूको पहिचान र पक्राउ गर्ने काममा प्रहरीले तीव्रता ल्याएको छ।