सुर्खेतमा परमेश्वरको मण्डलीद्धारा सामूहिक रक्तदान

कर्णाली प्रदेशस्थित वीरेन्द्रनगर सुर्खेतमा परमेश्वरको मण्डली विश्व सुसमाचार समाज द्धारा सामुहिक रक्तदान गरिएको छ । मन्डलीले आयोजना गरेको कार्यक्रममा ९० जना भन्दा बढीले सहभागी भएर रक्तदान गरेका थिए ।

यो वर्षमात्र देशभरि १९ पटक बृहत् रक्तदान कार्यक्रम आयोजना गरेर रक्त आपूर्ति अभाव समाधान गर्नमा सरिक भएको परमेश्वरको मण्डली विश्व सुसमाचार समाजका महासचिव पास्टर गिम जु छलले जानकारी दिए । कर्णाली प्रदेशको राजधानी वीरेन्द्रनगर ६ सुर्खेतमा विश्व सुसमाचार परमेश्वरको मण्डली र नेपालगञ्जले संयूक्त रक्तदान कार्यक्रम आयोजना गरेका थिए ।

समाजमा कोही पनी रगतको अभावमा मृत्यूवरण गर्न नपरोस भन्ने उद्धेश्यले कार्यक्रमको आयोजना गरिएको आयोजकले जानकारी दिएको छ ।